Ewyllys Byw/Blaengyfarwyddeb

Mae'r termau Ewyllys Byw a Blaengyfarwyddeb yn ddau derm gwahanol sy'n disgrifio'r un peth.

Mae Ewyllysiau Byw wedi datblygu fel adlewyrchiad o'r newidiadau sy'n digwydd yn ein hoes. Mae'r datblygiadau cyflym mewn gwyddoniaeth feddygol yn golygu ein bod nid yn unig yn byw'n hirach, ond bod gennym hefyd fwy o ddewis o safbwynt y math o driniaeth feddygol a roddir i ni, ac am ba mor hir y byddwn yn ei derbyn..

Mae'r term Ewyllys Byw yn gallu bod yn gamarweiniol a pheri dryswch gan nad yw'n Ewyllys o gwbl. Daw ewyllysiau i rym ar ôl eich marwolaeth yn unig ac maent yn ymdrin â'ch asedau ariannol gan benodi Ysgutorion i ymdrin â'r un peth. Mae Ewyllysiau Byw yn rhoi dewis i chi ynglŷn â'ch materion diwedd oes a chwestiynau ansawdd bywyd pe baech yn y dyfodol yn datblygu salwch dirywiol neu’n dioddef o ryw ffurf ar ddementia.

Gydag Ewyllys Byw fe allwch wneud y canlynol

• Rheoli'r driniaeth feddygol a roddir i chi
• Cynnal ansawdd bywyd a bennwyd gennych ymlaen llaw
• Galluogi eich hun i farw’n naturiol, hyd yn oed os cwtogir ar hyd eich oes trwy wneud hynny.

Ar hyn o bryd nid oes yno ddeddfwriaeth sy'n ymwneud ag Ewyllysiau Byw, ond rhagwelir y bydd hyn yn newid cyn hir. Er hynny, fe all Ewyllysiau Byw a luniwyd yn briodol fod â grym cyfreithiol cyflawn gan sicrhau bod eich ymgynghorwyr meddygol yn cydymffurfio â'ch dymuniadau.

Fe all ein hymarferwyr gynnig cyngor gwerthfawr i chi yn y maes anodd a phersonol iawn yma o’r gyfraith, maes sydd yn dal i ddatblygu.

Gallwch gysylltu â ni yn uniongyrchol trwy gwblhau ffurflen ymholiadau ar-lein.