Gwasanaethau a Ddarperir gan Howell Jones a'i Gwmni

Erbyn hyn nid rhywbeth i’r cyfoethog yn unig yw llunio ewyllys neu ddarpariaeth ar gyfer eich teulu. Gyda'r cynnydd mewn prisiau tai, mae nifer cynyddol o bobl yn cael eu dal gan gyfreithiau treth etifeddiant.

Mae llawer ohonom yn penderfynu peidio gwneud Ewyllys oherwydd ein bod yn credu nad oes gennym unrhyw beth gwerthfawr i'w adael i’n hanwyliaid, ond yn aml iawn ar ôl ystyried gwerth eiddo ac yswiriant bywyd mae'r symiau hyn yn gallu bod yn rhai digon sylweddol i ddenu sylw Cyllid y Wlad.

Er ei bod yn naturiol i bobl osgoi dymuno llunio Ewyllys, mae'n hanfodol i ni gael trefn ar ein materion er mwyn sicrhau bod ein hasedau’n cael eu trosglwyddo i’r rhai sydd fwyaf annwyl inni ac i leihau unrhyw straen ychwanegol arnynt ar adeg sydd eisoes yn boenus a gofidus iddynt.

Ac nid oes rhaid i lunio Ewyllys fod yn gostus neu lyncu gormod o amser. Gellir llunio Ewyllys am gyn lleied â £100 a bydd yn rhoi tawelwch meddwl gwirioneddol i chi a'ch teulu. Ar ôl ymgynghoriad cychwynnol er mwyn gwybod mwy am eich amgylchiadau arbennig chi, bydd ein hymarferwyr yn gallu cynnig cyngor i chi ynglŷn â'r math o ddogfen sydd ei hangen arnoch a'r ffordd orau o leihau eich rhwymedigaeth i dalu treth etifeddiant.

Mae ein cyfreithwyr yn aelodau o Adran Profiant Cymdeithas y Gyfraith a Chymdeithas Ymarferwyr Ymddiriedolaethau ac Ystadau (STEP).

Rydym yn cynnig gwasanaeth gofalgar, cydymdeimladwy ac effeithlon a all gynnwys ymweliadau cartref ac ysbyty, os oes angen.

Mae'r rhan helaeth o'r gwaith yn y maes hwn yn deillio o gyfeiriadau a geirda gan eraill.

Mae'r amrediad o wasanaethau cyfreithiol a gynigir yn cynnwys:

1. Paratoi ac adolygu Ewyllys.
2. Cynllunio ystâd trwy ddefnyddio Ewyllysiau, Ymddiriedolaethau a Rhoddion Gydol Oes a Gweithredoedd Amrywio.
3. Profiant a gweinyddu ystadau.
4. Cynllunio treth yn cynnwys lliniaru a Threth Etifeddiant, Treth Enillion Cyfalaf a threthi eraill, a chyngor ar domisil a phreswylfan.
5. Creu, amrywio a dirwyn i ben pob math o ymddiriedolaethau, yn cynnwys ymddiriedolaethau dibreswyl a darparu gwasanaethau ymddiriedolwyr.
6. Pwerau Atwrnai.
7. Llys Gwarchod.
8. Cyngor ar ariannu gofal preswyl hir dymor a diogelu asedau.

Am fwy o wybodaeth am y meysydd gwahanol cliciwch ar un o’r cysylltau isod.

Gallwch gysylltu â ni yn uniongyrchol heb unrhyw ymrwymiad trwy gwblhau ffurflen ymholiadau ar-lein. Gorau po fwyaf o wybodaeth a roddir gan y bydd hynny'n ein cynorthwyo i asesu eich anghenion.