Pan fo Rhywun yn Marw

Mae marwolaeth rhywun sy'n annwyl yn brofiad trawmatig. Mae'r angen i ddelio â chymaint o bobl a sefydliadau ar adeg pan fydd rhywun yn teimlo mwyaf bregus.

Mae'r canlynol yn rhestr ddefnyddiol a all helpu i leihau'r pryder o orfod gwneud cymaint o dasgau pwysig ar adeg mor anodd:

Ar gyfer trefniadau’r angladd dylech chwilio i weld a oes yno ddymuniadau penodol ar gyfer angladd, efallai y bydd y rhain wedi eu cynnwys mewn cynllun angladd rhagdaledig neu Ewyllys y sawl sydd wedi marw.

Mae'n rhaid cofrestru’r farwolaeth. Mae yno rai dosbarthiadau o berthnasau sy'n gallu cofrestru’r farwolaeth. Dylech hefyd wirio i weld a yw'r Swyddfa Gofrestru yn gweithredu system apwyntiadau ar gyfer cofrestru marwolaeth.

Os oes yna ymholiad ynghylch amgylchiadau'r farwolaeth, yna bydd y farwolaeth yn cael ei chyfeirio at y Crwner. Fe all Swyddfa'r Crwner eich helpu os oes gennych chi unrhyw ymholiadau.

Mae angen rhoi sylw buan i les anifeiliaid anwes ac anifeiliaid y teulu. Os nad oes yno aelodau teulu neu gymdogion a all helpu i ofalu amdanynt, ceisiwch gysylltu â changen leol yr RSPCA, efallai y gallant gynnig cymorth.

Os yw'r ymadawedig neu unrhyw aelod o’i d/theulu agos yn derbyn Budd-daliadau Gwladol yna dylech gysylltu â'r swyddfa budd-daliadau leol cyn gynted â phosib er mwyn adolygu'r sefyllfa o ran budd-daliadau.

Dyma rai yn unig o'r materion y bydd angen delio â hwynt yn fuan ar ôl i rywun farw. Mae'n debyg y bydd yno amryw o faterion eraill. Os oes gennych unrhyw ymholiadau yna fe all ein tîm arbenigol o ymgynghorwyr roi cyngor a chymorth ystyriol i chi ar adeg anodd i chi a'ch teulu.

Gallwch gysylltu â ni yn uniongyrchol trwy gwblhau ffurflen ymholiadau ar-lein.