Mae Pecynnau Gwybodaeth am Eiddo (HIPs) wedi cyrraedd

Mae cryn sôn wedi bod mewn blynyddoedd diweddar am Becynnau Gwybodaeth am Eiddo (HIPs). (yr enw blaenorol arnynt oedd ‘Pecynnau Gwerthwyr’), gyda'r cyntaf yn cael ei dreialu (yn wirfoddol) ym mis Tachwedd 2006.

O Awst 1^af 2007 daeth Pecynnau Gwybodaeth am Eiddo yn ofyniad cyfreithiol. Bellach mae’n rhaid i berchnogion tai yng Nghymru a Lloegr lunio Pecyn Gwybodaeth am Eiddo cyn rhoi eu tai ar y farchnad.

Hyd nes Mehefin 2008 mae’r Llywodraeth yn caniatau i bobl roi eu cartrefi ar y farchnad i'w gwerthu unwaith y mae'n nhw wedi comisiynu Pecyn Gwybodaeth am Eiddo. Ni fydd angen iddynt aros nes derbyn y Pecyn Gwybodaeth am Eiddo.

Bydd Pecynnau Gwybodaeth am Eiddo yn cynnwys dogfennau cyfreithiol yr eiddo ynghyd â chanlyniadau chwiliad a Thystysgrif Perfformiad Ynni (EPC). Os ydych am werthu eich eiddo, dylech gysylltu â’r cwmni hwn cyn gynted â phosib er mwyn i ni allu nodi eich cyfarwyddiadau a chychwyn paratoi Pecyn Gwybodaeth am Eiddo ar eich cyfer yn ddi-oed.

Yn naturiol, rydym yn gallu gweithio gyda’ch asiant gwerthu tai a byddwn yn rhoi’r Pecyn Gwybodaeth am Eiddo iddyn nhw i'w ddefnyddio wrth farchnata’r eiddo.

Cyn cyflwyno eich cyfarwyddiadau i gomisiynu Pecyn Gwybodaeth am Eiddo bydd angen i chi wneud rhai penderfyniadau ynglŷn â sut i fynd ati i lunio’r Pecyn.

• Mae’n RHAID i chi gael Tystysgrif Perfformiad Ynni (EPC) ar gyfer eich tŷ. Mae hyn yn gofyn am archwiliad o’r tŷ gan unigolyn cymwys - fel rheol syrfëwr â chymwysterau ychwanegol. Gallwn drefnu hyn ar eich cyfer. Mae’r pris yn dibynnu ar faint yr eiddo.
• Mae’n RHAID i chi wneud cais am chwiliad Awdurdod Lleol a Chwiliad Dŵr a Draeniad eich tŷ. Fe allwch roi’r tŷ ar y farchnad cyn derbyn canlyniadau’r chwiliadau hyn (yna ychwanegir y canlyniadau i’r Pecyn Gwybodaeth am Eiddo ar ôl eu derbyn) ond mae’n rhaid bod eich ceisiadau i gynnal y chwiliadau wedi’u cyflawni cyn gosod y tŷ ar y farchnad agored. Mae hyn yn golygu y bydd angen talu’r ffioedd am gynnal y chwiliadau. Mae’r ffioedd yn ddibynol ar ardal yr Awdurdod Leol ar Awdurdod Dwr.
• Bydd angen i chi hefyd ddewis naill ai chwiliad Awdurdod Lleol llawn neu ddibynnu ar yr hyn sy'n cael ei adnabod fel "chwiliad personol”. Mae chwiliad personol rhyw £50 yn rhatach ond mantais chwiliad llawn yw ei bod EFALLAI yn bosib i ni adennill cost llawn y chwiliad gan brynwr eich tŷ os yw’r prynwr yn gallu gwneud defnydd o’r chwiliad ar gyfer dibenion morgais.
• Mae angen i chi ddewis talu am y Dystysgrif Perfformiad Ynni a ffioedd chwiliadau eich hun ar y cychwyn neu fanteisio ar y cynllun taliad gohiriedig. Amcangyfrifir y bydd Pecyn Gwybodaeth am Eiddo gyda chwiliad llawn yn costio £450 ac yn costio £400 gyda chwiliad personol, ar gyfer eiddo rhydd-ddaliad. Mae’r cynllun taliad gohiriedig i bob pwrpas yn rhoi benthyciad i chi er mwyn cwrdd â chostau eich Pecyn Gwybodaeth am Eiddo. Fe all y benthyciad fod yn ohiriedig am hyd at naw mis, ac erbyn hynny fe ddylech fod wedi llwyddo i werthu eich tŷ. Nid ydym yn codi tâl ein hunain am drefnu’r cynllun taliad gohiriedig ar eich cyfer ond fe fydd y cynllun ei hun yn codi tâl o hyd at 10% arnoch ar ben y ffioedd archwilio a ffioedd chwilio y bydd angen i chi eu talu beth bynnag. Er hynny fe nodwch bod y trefniant hwn ar gael yn unig i’r MDA-linked HIPs mwy costus. Ceisiwch fanylion pellach os dymunwch.

I roi syniad, ein hamcangyfrif o gôst HIP i eiddo preswyl yn Sir Conwy gyda ymchwiliad llawn ydi £235. Mae hyn ar sail ein bod yn cael ein cyfarwyddo i weithredu yn y gwerthiant.

Felly dyma’r dewisiadau y mae angen i chi eu gwneud :

1. A ydych am i ni lunio’r Pecyn Gwybodaeth am Eiddo ar eich cyfer?
2. A ydych yn mynd i gwrdd â’r gost eich hun ar y cychwyn neu a ydych am fanteisio ar y cynllun taliad gohiriedig?
3. A ydych yn dymuno mynd am y Chwiliad Personol rhatach gyda’r Awdurdod Lleol neu a ydych yn dymuno mynd am y Chwiliad Llawn yn y gobaith o adennill y gost gan eich prynwr terfynol posib?

Gallwch roi gwybod i ni beth yw eich dewis ym mhob achos trwy lenwi ein ffurflen gais i gael Pecyn Gwybodaeth am Eiddo: