Symud i Gartref Nyrsio

Mae llawer o bobl yn poeni am orfod symud i gartref nyrsio am sawl rheswm yn cynnwys cost gofal mewn cartref nyrsio.

Mae yno dri chategori penodol o gartrefi nyrsio, sef gofal preswyl, gofal nyrsio a gofal EMI (i'r bregus meddyliol hŷn). Mae cost y gofal yn amrywio yn ôl categori'r cartref nyrsio.

Ni ellir symud i gartref nyrsio cyn cytuno ar becyn gofal gyda chi neu eich teulu. Bydd y pecyn gofal yn cael ei baratoi ar sail eich anghenion yn unig ac ni fydd yn rhoi ystyriaeth i'ch sefyllfa ariannol. Os yw'r pecyn gofal yn cynnwys symud i gartref nyrsio yna bydd angen gwneud asesiad ariannol ar wahân. Mae'r asesiad ariannol yn ystyried cyfanswm eich incwm a sefyllfa eich cyfalaf. Os ydych yn berchen tŷ, yna bydd gwerth y tŷ yn cael ei gynnwys fel cyfalaf ar gyfer yr asesiad ariannol.

Yn amodol ar eich bod yn gymwys, bydd y Wladwriaeth yn cwrdd â chyfanswm cost eich gofal. Lle digwydd hyn cewch eich gadael â'r cyfalaf sydd gennych ac yn derbyn y lwfans arian poced.

Os yw eich cyfalaf yn fwy na'r terfyn cyfalaf cyfredol, yna bydd gofyn i chi gyfrannu tuag at gostau eich gofal ar raddfa symudol. Yn dibynnu ar lefel y gofal nyrsio sydd ei angen arnoch bydd y Wladwriaeth hefyd yn gwneud cyfraniad ar wahân tuag at gost cyffredinol eich gofal.

Mewn sefyllfa lle byddwch chi eich hun yn talu am bopeth, byddwch yn cadw eich budd-daliadau gwladol a byddwch chi neu eich teulu yn gyfrifol am dalu ffioedd y cartref gofal.

Fe all ein hymarferwyr yn Howell Jones ateb unrhyw ymholiadau neu bryderon sydd gennych ynglŷn â'r pwnc yma a sicrhau bod popeth yn ei le, pe bai'r angen yn codi, i’ch galluogi i symud yn esmwyth a didrafferth i gartref nyrsio.

Gallwch gysylltu â ni yn uniongyrchol trwy gwblhau ffurflen ymholiadau ar-lein.