Treth Etifeddiant

Mae cynllunio treth etifeddiant yn un o'r pethau mwyaf arwyddocaol y gallwch eu gwneud i amddiffyn incwm eich anwyliaid a sicrhau bod eich asedau yn cael eu trosglwyddo i’r bobl sy'n bwysig i chi yn hytrach na diweddu fel refeniw trethadwy.

Fe all cyngor da arbed symiau sylweddol o arian a rhoi tawelwch meddwl gwerthfawr i chi.

Mae’r cynnydd ym mhrisiau eiddo dros y 10 mlynedd diwethaf wedi golygu bod treth etifeddiant yn effeithio ar nifer cynyddol o berchnogion tai. Mae lefel presennol trothwy treth etifeddiant fel a ganlyn:-

• 2007 – 2008: £300,000
• 2008 – 2009: £312,000
• 2009 – 2010: £325,000
• 2010 – 2011: £350,000

Mae'n bosib bod Treth Etifeddiant yn daladwy ar gyfradd o 40% ar asedau mewn ystâd sydd dros y trothwy treth. Mae gan bob unigolyn lwfans Treth Etifeddiant sy'n cyfateb a gwerth y trothwy. Gyda chyngor cyfreithiol arbenigol, meddwl a chynllunio ymlaen llaw, gallwch drefnu eich materion ariannol a’ch asedau i leihau eich rhwymedigaeth treth.

Mae rheolau newydd yn gweld newid sylfaenol i sefyllfa Treth Etifeddiaeth parau priod neu aelodau o bartneriaeth sifil drwy ganiatáu i’r aelod sy’n goroesi wneud cais am unrhyw ran o lwfans treth ei diweddar gymar nas ddefnyddiwyd i’w ddefnyddio ar farwolaeth y cymar a oroesodd neu’r partner sifil. Gall hyn ddyblu'r lwfans di-dreth ar yr ail farwolaeth a gall gynrychioli arbediaeth treth sylweddol a gan ei fod wedi ei ôl-ddyddio yn ddiddiwedd fe all pob cymar sy’n goroesi ddefnyddio lwfans ei ddiweddar gymar ar ei marwolaeth ei hunain. Mae cais llwyddiannus angen prawf drwy ddogfennau a gwybodaeth benodol a ddylid eu casglu gan unrhyw un sydd wedi colli cymar yn y gorffennol.

Mae gan ein hymarferwyr arbenigedd helaeth yn y sector treth etifeddiant a gallant gynnig cyngor gwerthfawr i chi ynghylch sut i wneud y mwyaf o'ch asedau yn bersonol a phroffesiynol gan roi cyngor ar yr holl lwfansau, ymwarediadau ac eithriadau perthnasol yn cynnwys gweithredoedd amrywio ar ôl marwolaeth.

Ffoniwch ni i drefnu apwyntiad gyda rhywun fydd yn gallu eich tywys o ddryswch i dawelwch meddwl wrth i chi gynllunio ar gyfer y dyfodol.

Gallwch gysylltu â ni yn uniongyrchol trwy gwblhau ffurflen ymholiadau ar-lein.